يوم ينشر رايته .. بيهه ينصر شيعته
يا ربنه عجل بالفرج .. خل نفرح بمهدينه
*************************************
بمنتصف شعبان نفرح .. يظهر القائم عسه
وبدعاء الفرج ندعي .. كل صباح وكل مسه
بينه عايش أبو صالح .. بالهـــــــــوه النتنفسه
منه نستلهم فكرنـــــــــه .. غيرة الله المدرسه
إحنه أنصاره ونريد .. إلنه يظهر من جديد
يا ربنه سهل مخرجه.. خل نفرح بمهدينه
*************************************
يبقه مهدينه أملنه .. غصبن اعله الحاقدين
بيده راية أبو اليمه .. بيهه نصر الصابرين
بمولده الليله حضرنه .. بالفرح مستبشرين
الليله ما مسموح نزعل .. إمكبرين إمهللين
هذا تكبير الفخر .. هذا تهليل الظفر
يا ربنه إنصر شيعته.. خل نفرح بمهدينه
*************************************
خاب من عاداك بغضاً .. فاز من والاك أكيد
يا أملنه ويا ذخرنـــــــــــه .. إنته للبسمه تعيد
النصر لو جان ثـــــــــوره .. إنته للثوره نشيد
يابو صالح بينه حبك .. يمشي وي دم الوريد
هذا عالفطره الغرام .. اعليك من الله السلام
يا ربنه إنصر ثورته.. خل نفرح بمهدينه
*************************************
الكربله زوار إجينــــه .. والحفل توه إبتده
حاضر ومنكَول غايب .. كل حفلنه تشاهده
مولدك مولد الغيـــره .. المجد يومك مولده
والينصرك واليســــندك .. باجر إنته تسانده
ندعي الله بمولدك .. بالأمان يساندك
يا ربنه انشر رايته.. خل نفرح بمهدينه
*************************************
واهم الفنــّد ظهورك .. هذا خاسر مو مهم
بالحشر ماله شفــــــــاعه .. والجهنم ينحكم
إظهر وخلي نشوفــــك .. بيدك تزيح الظلم
ياخذ بثاراته سيفـــــــك .. والعدل ما ينظلم
بيوم شمسك يا إمام .. تسطع وتمحي الظلام
يا ربنه إنصر غيرتك .. خل نفرح بمهدينه
