هالليله يشيعه ميلاد الوديعه
هالليله هالليله ميلاد الوديعه
...
اليوم الطبيعه فتحت ازهارها
ومن المدينه اليوم اجتنه اخبارها
چنها شمس نزلت تضوي بدارها
هاليله زينب اشرقت انوارها
وبهاي الولاده
غمرتنه السعاده
هالليله هالليله ميلاد الوديعه
...
زينب اجت واستبشرت احبابها
والكون هالليله سجد يم بابها
زينب نبي عفه وصبرها كتابها
وجناح جبرائيل صار حجابها
وبأحلى الليالي
فرحان الموالي
هالليله هالليله ميلاد الوديعه
...
زينب ملائكة السمه يخدمونها
وهي الزچيه الثانيه يسمونها
ام الشرف صار الشرف مضمونها
هيبة علي وغيرة علي بعيونها
فرحتنه الاصيله بميلاد العقيله
هالليله هالليله ميلاد الوديعه
...
هيه الكريمه النشهد بمعروفها
مثل الحسن صله الكرم بچفوفها
طول الزمان بكربلاء نشوفها
وظل يقره تل الزينبي بحروفها
زينب من مثلها
وعباس الكفلها
هالليله هالليله ميلاد الوديعه
...
زينب حُسينيه وتظل بحساسنه
واحنه مثلها ما ندنگ راسنه
نحلف وحگ راعي العلم عباسنه
نحمي گبر زينب لخير انفاسنه
غصباً عالنواصب
توصلها المواكب
هالليله هالليله ميلاد الوديعه
...
خادم الحسين ع
كرار حسين الكربلائي
