يازينب هذا عباس انولد
__________
كومي هنيله وافرحيله يبنت عقد الوله
هذا تاج الراس والعباس رمز المرجل
هذا راعي الجود نبع الزود والعز والعله
هالكوكب يزهي نورة بالمهد
________
هالكمر منا نوار منه انوار شعت بالسمة
هالبطل شوفي ملامح بيه من حامي الحمه
بالمهد ويكول انه المسؤول عن بنت فاطمة
بعيونه اشر يوفي العهد
_________
رابع بشعبان عالي الشان هالكافل زهر
كومي شوفي ضواه ما احلاه ويكحل النظر
قسم بالزهراء يا حوراء احلى من الكمر
بجفوفه فاضت بحور الشهد
_______
بساعة الشده منو يرده يشبه حيدرة
كربلا تشوفين لجل حسين يفنيهه ترة
يكلب بلاه على كلب الميمنه على الميسرة
صمصامة حجر سجيل ورعد
________
هذا ابو فاضل الج كافل يبنت حيدر علي
خدرج العالي صرح عالي بوجوده تدللي
كومي ناغيله وناديله هله ياكافلي
من حيدر والاسد خلف اسد
___________
ليست هناك تعليقات:
إرسال تعليق