بــالـغديـريـه ** فـرحه شيـعيه
يالله ياشـيعـه افـرحو بـالغـديريه
----------------------------
اليـوم تنـصيب الأمـامه ونعـلن دستورها
والرسول الهادي بيده هوه أسس سورها
ابجـنحه جبـرائيل ينثـر عـالعـوالم نـورها
والاملاك اصفوف نزلت لـرض خم اتزورها
وصارت الجيـه ** بــالـغديـريـه
يالـه ياشـيــعه افـرحو بالغـديريه
----------------------------
الليله فرحه الليله عيد الليله نمحي اهمومنه
مانـبالـي بالـنواصــب لــو تــريد اتــلومنه
الليلـه فـرحانيــن احــنه ابحيدره محــبوبنه
علي مـو بـس باللسان انكتب فـوگ اگـلوبنه
ويحله طـاريه ** بــالـغديـريـه
يالـه ياشـيعه افـرحـو بالغـديريه
----------------------------
الـيوم عيد الله الاكبـر سمـعو يا لَـوامه
الشيعـي متوهم علنتو خل يظل بوهامه
الـبايع الكـرار مـسلم ونعـرف بسـلامه
والرمانه ابسهم بغضه اترد عليه اسهامه
هـذا ماضـيه ** بــالـغديـريـه
يالـه ياشـيعه افـرحو بالغـديريه
----------------------------
الباري نَصب علي هوه وهوه ليـه الواضع
تـره تاريخـك مـزيف روح اقــره وراجـع
حيــدره اول تنصــب عـلي لا مــو رابع
احــنه أولـنه نتبـعـه وانتـه الاول تـابع
ومَضه علميه ** بــالـغديـريـه
يالـه ياشـيعه افـرحو بالغـديريه
----------------------------
الله وَاله الـواله حيدر والمعادي عاده
هـذا تـصريح الاله وبــيه محمد ناده
والي يرفض غصب عنهم بايعو اجداده
بخـن گــالو لچن همه اگلوبهم وگاده
بيعــه شـكليه ** بــالـغديـريـه
يالـه ياشـيعه افـرحو بالغـديريه
----------------------------
الكون كله العلي بايــع والنعم بالـبيعه
هالسمه والارض علنت والنجوم اتطيعه
علي تنصيبه اللهي امن الله اجـه توقيه
الهالسبب واجـب علينه للممات انطيعه
وكـل معـانيه ** بــالـغديـريـه
يالـه ياشـيعه افـرحو بالغـديريه
----------------------------
احنه منهجنه الولايه والعدل ممشانه
احنه أمه الفوز صكنه والتظد خسرانه
احنه ماشـينه محـمد يخـسر العادانه
والله ربحان اليـواصل بالـركب ويـانه
الجـنـه تــاليه ** بــالـغديـريـه
يالـه ياشـيعه افـرحو بالغـديريه
----------------------------
تمت والحمد لله في 18/ 10/ 2013
خادم اهل البيت حيدر تركي الكربلائي
ليست هناك تعليقات:
إرسال تعليق