هالصوت اعتله ابشعبان ياهله_حيدر تركي الكربلائي1434

هالصوت اعتله
ابشعبان ياهله
ابشعبان ياهله ** هالصوت اعتله
------------------
هلالك من يلالي . كـل موالي . وجـهه ازهر
وبهذي الليـالي . مــانــبالي . الــفرحه تكبر
عدنه الليله فرحه . الحب نطرحه . حگنه نسهر
والشامت نجرحه . ويهوه صرحه . لــن تكـدر
الـمولد زلــزله ** ابشعبان ياهله
-----------
افراح او اماني . والتــهاني . ابكـل مـدينه
الهالمولد معاني . ولـيه نتاني . ايهـل علينه
لو رف رف جناحه . ابكل صراحه . يحـتوينه
من ينـشر وشاحه . ورتــياحه . انحسه بينه
الاقمـار كربـله ** ابشعبان ياهله
-----------
بحسين شب فرحنه . وانشرحنه . ابهالولاده
بيك اهلن هتفنه . ياشــرفنه . امن السعاده
العيد العيد اجانه . واحــتوانه . ابـكل اراده
من شوگه وحنانه . ماجـفانه . ايـريد اعاده
وصـوته وَصـله ** ابشعبان ياهله
-----------
بدر الـهاشميه . ابهالمــسيه . نـوره شع شع
مــن رب البريه . هـالهــديه . ولــيهه وَقــع
زينب من فرحهه . هل دمعهه . وصـوته تسمع
وبالحــظه عرفهه . والوضــعهه . عــينه تدمع
وچــفه اتقــبله ** ابشعبان ياهله
---------
هالليل وسواده . امن السعاده . عيــنه سـهرت
والزيـن العـباده . وبــأراده . الــفرحه ظــهرت
هالكـون حتى شـمسه . لامتنسه . اويانه حظرت
همست باحلى همسه . الحب تغرسه . هيه مرت
رحمـه ونــازله ** ابشعبان ياهله
------------
للاكبر حـفلنه . وبسمه صحنه . هــا يالاكبر
اعــياده علنه . وابتــهجنه . نــوره جــهجر
بـي نور الرسـاله . والجــلاله . منــه تظهر
امن الهادي وصاله . وكل خصاله . علي حيدر
هاليوم محفله ** ابشعبان ياهله
-------------
تمت والحمد لله في 9/6/3013
خادم اهل البيت حيدر تركي الكربلائي