هــلا ابمـهديـنه هــله_حيدر تركي الكربلائي1434

صوت كل شيعي اعتله ** هــلا ابمـهديـنه هــله
مـوتـو يـاحساده 
الليله حل ميلاده
-----------------
بالـفرح اهـلاً وسـهلاً ياهـلا بسنـينه
اليوم عيد وحل علينه المنـتظر مهدينه
والفرح ويـانه والله ايسـر گلب هادينه
والي مايفرح نديـنه ونبقه احنه اندينه
اليوم حبـنه انجدده ** المنتظرنه ابمولده
والفـرح بزياده
اليله حل ميلاده
-----------------
اليله عدنه الليـله فرحه والفرح عنوانه
لبـو صالـح هـالاعـياد وعـيدت دنـيانه
المسلم ابهالعيد يظهر كفره من ايمانه
احنه فرقه الفوز صكنه والتظد خسرانه
والـي بالمحشر عبر ** هذه واَلـه المنتظر
المهدي كلمن راده 
الـيله حـل مـيلاده
-----------------
اهوايه لامونه ابـفرحنه واحـنه لا منبالي
المهم عدنه الـليله نحـيّ مولدك يالغـالي
گالو الشيعه ابفرحهه اتغالي حـيل اتغالي
خـل يسـمعونه النواصب والله لـيك انوالي
الـگال عالشـيعي كفر ** هـذا ماعنـده نـظر
وحدنه ربنه الراده
الليله حـل ميلاده 
-----------------
ابمـولدك احنـه نهنـي العـالم ابهالليله
ومـن فرحنه هل دمعنه عالخدود انسيله
بـعد محـتاجـين فـرحـة چـفك وتقـبيله
يمته شخصك لينه يحظر كل صبح ندعيله
والفرج نـتنطره ** شيعتك متحظره
وكل موالي ناده
الليله حل ميلاده 
-----------------
هاي فرحـه وكـل مـوالي ابدماينسـاهه
اليوم حتى الشمس فرحة والگـمر وياهه
الغـيم ويـَه النـجم نـزلو والله هـَنو طاهه
الارض چيه حملت المهدي عالسمه تتباهه
حقهه يغمرهه الفخر ** ابحمل ابن فارس مظر
وبغضت الي عاده
الليله حـل ميلاده
-----------------
اليوم كل هذا جمعنه ابهالدعاء ادعينه
ياآلــه الـكون عـجل وبـفرج مهـدينه
انصير من اجنوده ردنه والله وتمـنينه
احنه مشتاگين وجهه وهوه هم يدرينه
والله مشـتاگين اله** ردنه چـفه انقبله
وتـكتمل اعـياده
الليله حل ميلاده
-----------------
تمت والحمد لله في 17/6/2013
خادم اهل البيت حيدر تركي الكربلائي